استعاد النجم المصري محمد صلاح، في لقاء نادر عبر أحد القنوات التلفزيونية في بداياته، تفاصيل بداياته مع كرة القدم، وكواليس رحلته من اللعب في شوارع قريته نجريج، مرورًا ببسيون ومقاولون طنطا، وصولًا إلى المقاولون العرب ثم الاحتراف الأوروبي عبر بوابة بازل السويسري.
وقال محمد صلاح: “لعبت كرة شراب زي الناس، أنا من طنطا، من بلد أرياف جنب طنطا، من نجريج، وكنت بلعب عادي في الشارع مع صحابي، وبعد كده لعبت في بسيون فترة سنتين تقريبا، وأنا كان عندي 12 سنة”.
وأضاف: “بعد كده رحت مقاولون طنطا، وربنا كرمني وجيت من مقاولون طنطا على مقاولون العرب على طول”.
وتحدث صلاح عن أسرته وظروف نشأته، قائلًا: “بيتنا وعائلتي زي أي عائلة يعني، والدي الحمد لله ووالدتي عايشين، وأخويا برضه وأختي معايا عايشين حياتنا عادية طبيعية، زي أي ناس، مستوانا مش عالي قوي، والحمد لله حتى دلوقتي برضه مش عالي قوي”.
دور كبير لوالده في بدايته
وكشف صلاح عن الدور المهم الذي لعبه والده في بداية مشواره، خاصة أنه كان في سن صغيرة ولم يكن قادرًا على السفر بمفرده.
وقال: “والدي كان مهتم بالموضوع جامد، كان هو اللي دايمًا معايا عشان ما كنتش بعرف أسافر وأنا عندي 14 سنة، كنت لسه صغير وكده”.
وتابع: “كان هو دايمًا بيسافر معايا معظم الوقت، وبعد كده جاءت فترة هو قال لي خلاص، يعني أنت لازم بقى تروح أنت لوحدك وتعتمد على نفسك”.
وأوضح: “كنت بروح وأجي كل يوم أربع مرات أو خمس مرات في الأسبوع، وكان عندي هدف إن أبقى لعيب كبير”.
حلم اللعب مع المنتخب الأول
وتحدث نجم منتخب مصر عن طموحه في تلك الفترة، مؤكدًا أنه كان يتمنى الحصول على فرصة مع المنتخب الأول وإثبات نفسه.
وقال: “بتمنى إن ربنا يكرمني الفترة الجاية وأقدر أظهر بشكل أحسن من اللي أنا فيه دلوقتي”.
وأضاف: “أن نقطة ومرحلة جديدة في حياتك إنك تروح منتخب أول، حتى لو تجمع واحد، حسب ما أنت بتستغلها أو حسب ما أنت موفق فيها يعني”.
وتابع: “الحمد لله كنت موفق فيها، كان حلم عادي كأي حد يلعب في الأهلي أو في الزمالك فريق أول”.
كواليس عدم انتقاله إلى الزمالك
وكشف صلاح أن اللعب للزمالك كان مطروحًا في بداية مسيرته، لكنه لم يتم، قبل أن تأتيه فرصة الاحتراف في أوروبا.
وقال: “يعني أنا كنت خلاص، رايح الزمالك، وكان فيه كلام إن أنا كنت رايح الزمالك، بس هو هناك الناس في الزمالك قالوا لا، أو قالوا لسه شوية عشان ألعب في الزمالك، فربنا كان أكرم في الفترة دي، وجات لي الأحتراف في بازل السويسري”.
صلاح: اللاعب يحتاج للاهتمام فقط
وتحدث صلاح عن تجربته الأولى في أوروبا مع بازل، مؤكدًا أن اهتمام النادي والمنتخب باللاعب يمثل عاملًا مهمًا في تطوره.
وقال: “اللعيب بيبقى محتاج اهتمام، مش محتاج حاجة إلا إنه يبقوا مهتمين بيه، بس من ناحية النادي ومن ناحية المنتخب”.
وأضاف: “فالناس بصراحة كانت بتكلمني قبل الجائزة، وبعد الجائزة كلموني باستمرار، والناس مهتمة قوي وبيكرموني”.
وأشار: “إلى أن هذا الاهتمام حاجة بتبسطني، يعني حاجة بتحسسك إنك لعيب كبير”.
ماذا قال عن تجربته في بازل؟
وقال: “اللعب هناك في بازل سريع جدا، وأهم حاجة إنك تبقى مركز بس في كل الوقت، يعني هناك الطبيعة بتهيأك إنك تلعب كرة بس، مش عايز منك حاجة غير إنك تلعب كرة”.
وأضاف: “إنما هنا ممكن تدخل في بعض المشاكل، ما بيهيأكش التهيئة الكاملة إنك تلعب كرة بس يعني”.
وأكد صلاح: “أهم حاجة أنك تجتهد وكل حاجة هتيجي لوحدها، يعني ما كانش حاجة في دماغي إني أحترف ولا موضوع بازل ده، بس هو الواحد شوية تعب، وربنا اللي بيوفق”.
واختتم حديثه قائلا: “أتمنى إن أكمل، أتمنى إني مرجعش مصر تاني في الفترة دي خالص”.
وعن اللاعبين الذين كان يحبهم على المستوى المحلي، قال صلاح: “أنا بحب كابتن بركات جدًا، وكابتن أبو تريكة جدًا”.
وأضاف: “وأتمنى إن أروح أندية كبار، وربنا يسهل إن شاء الله، الواحد يتعب على قد ما يقدر”.
لمزاملة صلاح.. لاعب ترامب “المفضل” يقترب من طرابزون سبور
بعد تتويجها بذهبية تارانتو.. من هي هنا جودة “الطفلة المعجزة”؟
