أعرب معتمد جمال، المدير الفني للزمالك، عن سعادته بالفوز على أبو قير للأسمدة، مؤكدًا أن الانتصار كان مهمًا في ظل الظروف التي يمر بها الفريق خلال الفترة الحالية.
وقال معتمد جمال، خلال المؤتمر الصحفي عقب المباراة: “الحمد لله، مكسب مهم جدًا النهارده، وأشكر اللاعبين على المجهود الذي قدموه، وكذلك جماهير الزمالك دائمًا على مساعدتهم ومساندتهم للفريق”.
وعن حديثه مع الحكم ناجي، أوضح: “أنا عمري ما اتكلمت على التحكيم ولا بحب أتكلم عن الحكام، كنت بقول لكابتن ناجي إن عندنا أخطاء وعايزين ناخد حقنا، مش بنعترض على التحكيم”.
وأضاف: “المباراة كانت مهمة لنا وكنا عايزين ناخد حقنا، لكن أنا عمري ما أعترض على الحكام أبدًا”.
وتطرق المدير الفني للزمالك إلى الانتقادات الموجهة لأداء الفريق، قائلًا: “يا جماعة والله أنتوا محسسني إننا في ظروف طبيعية، إحنا في ظروف غير أي فريق، ومش هينفع كل شوية أطلع أتكلم في نفس الكلام علشان اللاعبين”.
وتابع: “أنا الوحيد اللي مضطر أغير كل شوية، مش علشان لاعب وحش أو أداء كويس، لكن علشان لازم يطلع بدنيًا، ولازم الجمهور يفهم كده، وإنتوا كإعلام تفهموا الناس كده وتساندونا كويس”.
واختتم معتمد جمال تصريحاته قائلًا: “أنا حاليًا هقفل صفحة الدوري علشان عندنا ماتش في أفريقيا السبت، وإحنا عايزين نبقى موجودين في المنافسة في الدوري رغم كل الظروف وفترة الإعداد القصيرة جدًا، وإحنا لسه بنعد اللاعبين بدنيًا”.
وأتم: “إحنا عندنا ظروف صعبة عكس أي نادي، مش هتلاقي الدنيا اتبدلت من يوم وليلة، ومحتاجين فترة التوقف تيجي وإحنا واقفين على رجلينا ومحققين نتائج وبننافس على البطولة ومنبعدش”.
اقرا أيضًا:
“النهاية تقترب”.. الزمالك يحدد شرطان لبيع خوان بيزيرا
