قال حسام المندوه أمين صندوق نادي الزمالك، إنّ الزمالك يحتاج من 5 لـ 6 مليون دولار من أجل إنهاء كل القضايا الدولية.
وأضاف في لقاء مع الإعلامية لميس الحديدي، مقدمة برنامج “الصورة”، عبر قناة النهار: “بالنسبة إلى موعد السداد، فنحن نعمل على مشروعات معينة، ونعمل على سداد الديون قبل شهر يناير المقبل، وهذا هو هدفنا من أجل التعاقد مع لاعبين جدد في موسم الانتقالات الشتوية”.
وسألته الإعلامية لميس الحديدي: “ورينا يا عم الشغل الجامد! لكن هل يعني هتقدر تسدد هذا الرقم قبل يناير عشان تفتح وتعمل صفقات في الانتقالات الشتوية؟”، ليرد قائلا: “آه إن شاء الله، هو تحدي برضه عاشر من ضمن التحديات. نفس السؤال ده على فكرة اتسألناه أول ما جينا النادي؛ هتقدروا تفكوا القيد -أول ما دخلنا النادي- اللي كلفنا حوالي 4 مليون دولار؟ ثم بعدها هتقدروا تفكوا القيد اللي كلفنا حوالي 3 مليون دولار؟ ثم الرخصة الأفريقية هتقدروا تاخدوا الرخصة الأفريقية؟ وكل الإجابات اتجاوبت بنعم”.
وسألته لميس الحديدي: “هيعيش نادي الزمالك على المحبين؟”، ليرد مؤكدًا: “لا، ولكن، المحبين عنصر أساسي برضه، والله لو إنتي عملتي إيه المحبين عنصر أساسي، ولو إحنا مطلباناش هييجوا هما يقولوا إحنا عايزين”.
